असलताले मात्र सुख दिन्छ बुझिराख
अहमताले जिन्दगी सकिन्छ बुझिराख
ध्रुवसत्य कुराहरु मध्य यो पनि एक हो
पिँध पछि मात्र बिँड तातिन्छ बुझिराख
अनाहकमा दौडेर मुटु नफुलाउ त्यसरी
समय आउँछ अनि त पुगिन्छ बुझिराख
कम्पासले दिशा देखाउँछ घडीले समय
थर्मोमिटरले ज्वोरो नापिन्छ बुझिराख
अरुको जिन्दगीमा खेलवाड गर्ने हरु हो
सानो कुराले हलचल मच्चिन्छ बुझिराख
– बासु सापकोटा , भीमेश्वर नगरपालिका-४, दोलखा